Էրդողանը Բայդենի հետ զրույցում բողոքել է, որ ԱՄՆ-ում կան FETO ահաբեկիչներ, և Վաշինգտոնը սատարում է քուրդ ահաբեկիչներին

Թուրքիայի և Միացյալ Նահանգների նախագահներ Ռեջեփ Թայիփ Էրդողանը և Ջո Բայդենը հեռախոսազրույցի ընթացքում կողմերը պայմանավորվել են երկկողմ հարաբերությունների ռազմավարական բնույթի ու երկու երկրների ընդհանուր շահերի շուրջ և համագործակցության ընդլայնման ուղղությամբ համատեղ աշխատանքի կարևորության մասին: Ըստ Anadolu-ի՝ այս մասին ասվում է Թուրքիայի նախագահի աշխատակազմի հասարակայնության հետ կապերի վարչության հայտարարության մեջ:

Զրույցի ընթացքում Էրդողանը կարևորել է այնպիսի հարցերի լուծումը, ինչպիսիք են ԱՄՆ-ում FETÖ «ահաբեկչական» կազմակերպության ներկայությունը, ինչպես նաև Սիրիայում Վաշինգտոնի աջակցությունը PKK/PYD կազմակերպությանը:

«Երկու երկրների ղեկավարները պայմանավորվել են հանդիպել Բրյուսելում ՆԱՏՕ-ի առաջնորդների հունիսյան գագաթնաժողովի շրջանակներում», - նշվում է հաղորդագրության մեջ։