Իրաքում ռմբակոծությունների հետևանքով սպանվել և վիրավորվել են վեց իրաքցի զինվորներ և անվտանգության աշխատակիցներ

Առնվազն վեց իրաքցի զինվորներ և անվտանգության աշխատակիցներ են սպանվել կամ վիրավորվել Իրաքի տարբեր մասերում երկու առանձին պայթյունների արդյունքում:

Ջալավլայի ենթաշրջանի ոստիկանությունը հաղորդում է ապրիլի 21-ի երեկոյան Խանաքինի և Ջալավլայի միջև պայթյունի մասին, որի արդյունքում զոհվել է մեկ իրաքցի զինվոր և վիրավորվել` երեքը:

Նմանատիպ պայթյուն է տեղի ունեցել միաժամանակ Ամիրլի Օզեմ և Համրին թաղամասերը կապող ճանապարհին: Զոհվել է անվտանգության երկու աշխատակից: Այս մասին հայտնել է Ամիրլիի ոստիկանապետը: Նրա խոսքով՝ անվտանգության աշխատակիցները մահացել են «Իսլամական պետության» (ԻՊ) զինյալների որոնելու գործողության ընթացքում: