ԱՄՆ-ն Իրանին է հանձնել պատժամիջոցները վերացնելու ճանապարհային քարտեզը

Վիեննայի բանակցություններում ԱՄՆ ներկայացուցիչները իրանական կողմին են փոխանցել հակաիրանական պատժամիջոցները վերացնելու ճանապարհային քարտեզը: Այս մասին լրագրողներին հայտնել է ԱՄՆ պետդեպարտամենտի բարձրաստիճան պաշտոնյա:

Ճանապարհային քարտեզը պարունակում է սահմանափակումները վերացնելու և Վաշինգտոնը միջուկային գործարքին վերադարձնելու պայմանները:

Պաշտոնյան մանրամասն տեղեկություն չի տրամադրել ճանապարհային քարտեզի մասին՝ նշելով միայն, որ ճանապարհային քարտեզը պարունակում է երեք բաժին՝ «պատժամիջոցներ, որոնք կհանվեն միջուկային գործարքի շրջանակներում», «պատժամիջոցներ, որոնք կպահպանվեն՝ չնայած միջուկային գործարքին», «պատժամիջոցներ, որոնք պահանջում են միջուկային գործարքների շրջանակներում հետագա քննարկում»: