Բոլորը պետք է հիշեն Պուտինի անձնական դերը Ղարաբաղում պատերազմը դադարեցնելու հարցում. Պեսկով

ՌԴ նախագահի մամուլի քարտուղար Դմիտրի Պեսկովն ասել է, որ Ռուսաստանի նախագահ Վլադիմիր Պուտինի անձնական դերը Ղարաբաղում պատերազմը դադարեցնելու հարցում պետք է հիշեն բոլորը:

«Մենք Ադրբեջանի հետ հիանալի վստահության հարաբերություններ ունենք՝ հիմնված փոխադարձ հարգանքի վրա: Դրանք կարող են ունենալ շատ ու շատ ասպեկտներ, որոնք փոխշահավետ են: Պատմականորեն լավ հարաբերություններ կան նաև Հայաստանի հետ: Մենք ունենք մեծ թվով ինտեգրացիոն գործընթացներ, որոնք զգալի օգուտներ են բերում Հայաստանին՝ և՛ քաղաքական, և՛ տնտեսական: Ինչ վերաբերում է կատարվածին... Հավանաբար, Պուտինի անձնական դերը պատերազմը դադարեցնելու հարցում պետք է հիշեն բոլորը»,- ասել է Պեսկովը Аргументы и факты թերթին տված հարցազրույցում: