Բայդենը «մարդասպան» Պուտինին, Սի Ցզինպինին և Էրդողանին հրավիրել է կլիմայի հարցերով բանակցությունների

ԱՄՆ նախագահ Ջո Բայդենը իր ռուս գործընկեր Վլադիմիր Պուտինին և Չինաստանի նախագահ Սի Ցզինպինին հրավիրել է մասնակցելու կլիմայի փոփոխությունների վերաբերյալ բանակցություններին. ուրբաթ հաղորդել է Associated Press-ը՝ վկայակոչելով անանուն պաշտոնյաների:

Նախատեսված բանակցությունների մանրամասները դեռ չեն բացահայտվել: Պաշտոնական Սպիտակ տունը դեռ չի մեկնաբանել այս տեղեկատվությունը:

Հրավիրվել է նաև Թուրքիայի նախագահ Ռեջեփ Թայիփ Էրդողանը, որի հետ Բայդենը, նախագահ դառնալուց ի վեր, դեռևս հեռախոսազրույց կամ հանդիպում չի ունեցել։

Հիշեցնենք, որ շաբաթներ առաջ Բայդենը Պուտինին «մարդասպան» էր անվանել, ինչն աշխարհում մեծ աղմուկ էր բարձրացրել։