Բայդենը արձագանքել է կանանց պաշտպանության մասին կոնվենցիայից Թուրքիայի դուրս գալուն

Թուրքիայի դուրս գալը Ստամբուլի կոնվենցիայից խորապես հիասթափեցնող է․ հայտարարել է Միացյալ Նահանգների նախագահ Ջո Բայդենը:

«Սա ամբողջ աշխարհի կանանց նկատմամբ բռնությունը դադարեցնելու միջազգային շարժման համար ճնշող հետընթաց է»,- Բայդենի խոսքերն է մեջբերում Սպիտակ տան մամուլի ծառայությունը:

Հիշեցնենք, որ նախօրեին թուրքական իշխանությունները հայտարարել էին Անկարայի՝ կանանց պաշտպանության մասին կոնվենցիայից դուրս գալու մասին:

Ըստ Թուրքիայի ներքին գործերի նախարար Սուլեյման Սոյլուի՝ միջազգային կոնվենցիաների առկայությունը կամ բացակայությունը «չի նվազեցնում կամ մեծացնում» հանցագործության ցանկացած ձևերը կանխելու պատասխանատվությունը: