Նոբելյան ելույթների մեկդարյա պատմության մեջ առաջին անգամ հիշատակվել է հայ գիտնականը

2020 թ. ֆիզիկայի Նոբելյան մրցանակ է շնորհվել Սըր Ռոջեր Պենրոուզին (Օքսֆորդ),որը դեկտեմբերի 8-ին կարդաց Նոբելյան դասախոսությունը «Սև խոռոչներ, կոսմոլոգիա և տարածաժամանակային սինգուլյարություններ»:

Նոբելյան ելույթները, որոնց հետաքրքրությամբ սպասում են աշխարհի մասնագետներ, մտնում են գիտության պատմության մեջ, քանի որ մրցանակակիրը ներկայացնում է տվյալ բնագավառի անցյալի և ապագայի իր տեսակետները:

Պենրոուզի ելույթում, որ վերաբերվում էր բնագավառի մեկդարյա ընթացին, հիշատակված փոքրաթիվ գիտնականների թվում է Կոսմոլոգիայի և աստղաֆիզիկայի կենտրոնի ղեկավար, պրոֆեսոր Վահագն Գուրզադյանը: Սա առաջին հայ գիտնականի հիշատակումն է Նոբելյան ելույթներում՝ դրանց ավելի քան մեկդարյա պատմության մեջ:

Ալիխանյանի անվան ազգային
գիտական լաբորատորիայի կայքից