Ուկրաինան որդեգրել է Ղրիմի ապաբռնազավթման ռազմավարություն. Ուկրաինայի ԱԳՆ ղեկավար

Ազգային անվտանգության և պաշտպանության խորհուրդը հավանություն է տվել Ղրիմի ապաբռնազավթման և վերաինտեգրման ռազմավարությանը. ասել է Ուկրաինայի արտգործնախարար Դմիտրի Կուլեբան:

Ուկրաինացի նախարարը նշել է, որ սա «պատմական փաստաթուղթ է, որը պետք է դեռ 2014-ին լիներ»:

«Հստակ ազդանշան՝ մենք ոչ միայն աշխարհին կոչ ենք անում օգնել վերադարձնել Ղրիմը, այլև Ուկրաինան ինքն է լրջորեն և համակարգված զբաղվում դրանով՝ Ուկրաինայի նախագահի նախաձեռնությամբ»,- գրել է Կուլեբան Twitter- ում:

Բացի այդ՝ նա «երեք հենասյուն» է նշել Ղրիմի «ազատագրման» ու վերաինտեգրման համար: Դրանք են՝ ռազմավարություն, համախմբում և փոխգործակցություն: