«Լրագրողներ առանց սահմանի» կազմակերպությունը դատապարտում է Սյունիքի մարզում լրագրողների համար սահմանափակումները

«Լրագրողներ առանց սահմանի» միջազգային հեղինակավոր կազմակերպությունը թվիթերյան էջում անդրադարձել է երել ԱԱԾ-ի տարածած հայտարարությանը: 

«Հայաստանի սահմանապահ զորքերը պաշտոնապես հայտարարեցին, որ ցանկացած լրագրող, ով կցանկանա մեկնել Սյունիքի մարզ լուսաբանման համար, պետք է թույլտվություն ստանա Ազգային անվտանգության ծառայությունից: Լրագրողներ աառնց սահմանի կազմակերպությունը դատապարտում է այս սահմանափակումը և իշխանություններին կոչ անում վերականգնել լրագրողների մուտքը»,- ասվում է հայտարարության մեջ:

Հիշեցնենք, որ երեկ ֆեյսբուքյան Հայկական միասնական տեղեկատվական համակարգ էջով ԱԱԾ-ն հայտնել էր, որ ՀՀ Սյունիքի մարզի սահմանային տարածքներում տարբեր թեմաներ լուսաբանելու համար լրագրողներին անհրաժեշտ է ունենալ ՀՀ ազգային անվտանգության մարմինների համաձայնությունը, որի համար պետք է նախապես գրավոր (այդ թվում՝ նաև էլեկտրոնային տարբերակով) դիմել ՀՀ ԱԱԾ: