Ադրբեջանը բողոքել է ռուսական հացահատիկից

Ռուս-ադրբեջանական «պարենային պատերազմը» շարունակվում է: Այս անգամ ադրբեջանական կողմը հայտարարել է Ռուսաստանից հացահատիկի և կարտոֆիլի պաշարների վերաբերյալ 45 փաստի մասին, ըստ որոնց՝ դրանք չեն համապատասխանում Ադրբեջանի պահանջներին։

Ըստ ԱՀ սննդամթերքի անվտանգության գործակալության տվյալների՝ 36 դեպքում հայտնաբերվել է ցորեն՝ կարանտինային մոլախոտերով, 1 դեպքում՝ եգիպտացորեն, իսկ 8 դեպքում՝ նեմատոդով վարակված կարտոֆիլ:

«Ռոսսելխոզնադզոր»-ի ղեկավարի տեղակալ Անտոն Կարմազինը ադրբեջանական կողմին խնդրել է ուղարկել պաշտոնական ծանուցում ռուսական հացահատիկի մեջ անհամապատասխանություն հայտնաբերելու յուրաքանչյուր դեպքի համար, որը մանրազնին կքննարկվի և անբարեխիղճ արտահանողների դեմ միջոցներ կձեռնարկվեն:

Հիշեցնենք, որ ավելի վաղ Ռուսաստանն արգելել էր Ադրբեջանից լոլիկի և խնձորի ներկրումը, իսկ Բաքուն արգելել էր մի շարք ծովամթերքների և թռչնամսի ներկրումը Ռուսաստանից: