Անհետ կորած զինծառայողների հարազատներն այցելել են Գանձասարի վանական համալիր

Այսօր առավոտից Գանձասարում ենք, այստեղ են անհետ կորածների ծնողներ, Արցախի բարձրաստիճան պաշտոնյաներ։ Այս մասին Ֆեյսբուքի ուղիղ եթերում ասել է անհետ կորած զինծառայողների մարմինների որոնումների եւ նրանց մասին տեղեկություններ ստանալու համար Արցախում գտնվող անհետ կորած զինծառայողների ծնողների ու հարազատների խմբից Արսեն Ղուկասյանը, որը, հիշեցնենք, որոնում է անհետ կորած եղբորն ու եղբորորդուն։

Գանձասարի վանահայրը եկեղեցական կարգ է կատարել՝ ի հիշատակ Արցախյան պատերազմում մարտիրոսված զինծառայողների, կամավորականների ու պահեստազորայինների, հայցել Հայ Եկեղեցու սրբերի բարեխոսությունը գերիների շուափույթ վերադարձի եւ անհետ կորած եւ զոհված զինծառայողներին գտնելու համար։