Ղարաբաղում չպետք է լինեն արմատական վարձկաններ. ՌԴ փոխարտգործնախարար

ՌԴ փոխարտգործնախարար Օլեգ Սիրոմոլոտովը «ՌԻԱ Նովոստի»-ին ասել է, որ արմատական վարձկանները չպետք է լինեն Լեռնային Ղարաբաղում:

«Մերձավոր Արևելքից զինյալների մասնակցությունը Լեռնային Ղարաբաղի տարածաշրջանում ռազմական գործողություններին արձանագրված փաստ է, ինչը հաստատել ենք ոչ միայն մենք»,- շեշտել է փոխնախարարը:

Նրա խոսքով՝ մոտ երկու հազար վարձկան է եղել:

«Ռուսաստանն ամենասկզբից մտահոգություն է հայտնել արմատական վարձկանների առկայության մասին, որոնք դավանում են ջիհադիզմի գաղափարախոսությունը»,- ասել է Սիրոմոլոտովը:

Ըստ նրա՝ Մոսկվայի դիրքորոշումն այս հարցում չի փոխվել՝ այնտեղ  վարձկաններ չպետք է լինեն: