Թուրքիան շարունակում է Ռուսաստանի հետ Ղարաբաղի հարցով համատեղ կենտրոնի կառուցումը

Թուրքիայի պաշտպանության նախարարությունը կիրակի հայտարարել է, որ շարունակվելու է Ռուսաստանի հետ համատեղ կենտրոնի կառուցումը՝ Լեռնային Ղարաբաղում իրավիճակը վերահսկելու համար:

«Թուրքիայի և Ռուսաստանի կողմից ստորագրված համաձայնագրին համապատասխան՝ քայլեր են ձեռնարկվում հրադադարի ռեժիմի դիտարկման և վերահսկման կենտրոնի կառուցման ուղղությամբ: Աշխատանքները շարունակվում են համաձայնեցված Ռուսաստանի և Ադրբեջանի հետ», - նշված է հաղորդագրության մեջ:

Գործակալությունը հիշեցնում է, որ նոյեմբերի սկզբին Թուրքիայի ազգային պաշտպանության նախարար Հուլուսի Աքարը հայտարարել էր, որ ռուս և թուրք զինվորականները «շուտով իրենց պարտականությունները կստանձնեն» Լեռնային Ղարաբաղի համատեղ կենտրոնում: