Թրամփը վետո կդնի Թուրքիայի դեմ պատժամիջոցների վրա

ԱՄՆ Ներկայացուցիչների պալատը և Սենատը հավանություն են տվել Թուրքիայի դեմ պարտադիր պատժամիջոցներ կիրառելու նախաձեռնությանը՝ կապված ռուսական Ս-400 զենիթահրթիռային համակարգերի գնման հետ:

Նախաձեռնությունը երկրի պաշտպանական բյուջեի օրինագծի մի մասն է, որը նախատեսված է 2021 ֆինանսական տարվա համար (մեկնարկել է հոկտեմբերի 1-ին):

ԱՄՆ նախագահ Դոնալդ Թրամփը, անդրադառնալով թեմային, ասել է, որ վետո կդնի օրինագծի վրա:

Twitter-ում գրառման մեջ նա նշել է. «Չինաստանը առավելագույնս օգուտներ կքաղի պաշտպանության նոր օրենքից: Ես վետո եմ դնում այս օրենքի վրա»։

Նշենք, որ եթե Թրամփը վետո դնի, Սենատը կրկին նիստ կգումարի և նախագիծը կդնի քվեարկության: Հաստատման դեպքում պատժամիջոցներն ուժի մեջ կմտնեն: