ԱԱԾ է հրավիրվել Ավշարի՝ Փաշինյանի հրաժարականը պահանջող համայնքապետը

Նոյեմբերի 11-ի առավոտյան ժամը 10-ին Ավշար համայնքի ղեկավարը հրավիրվել է ՀՀ ազգային անվտանգության ծառայություն, որը կապված է իր կողմից արված վերջին հայտարարությունների հետ: Այս մասին հաղորդագրություն է տարածել  Ավշարի համայնքապետարանը:

Հիշեցնենք՝  դեկտեմբերի 4-ին տարածած հաղորդագրությամբ, Ավշարի համայնքապետարանը պահանջել էր վարչապետ Նիկոլ Փաշինյանի հրաժարականը և կոչ արել երկրի բոլոր համայնքապետարաններին՝ միանալ այդ պահանջին:

Համայնքապետարանի պաշտոնական էջում տեղադրված հայտարարության մեջ ասվում է.

«Ավշարի համայնքապետարանը, համայնքի ղեկավարի գլխավորությամբ, պահանջում է դավաճան վարչապետի հրաժարականը, ուղերձ է հղում Հայաստանի Հանրապետության բոլոր համայնքների ղեկավարներին և բնակիչներին՝ հանդես գալ նման պահանջով և ակտիվորեն մասնակցել դավաճան Նիկոլ Փաշինյանի հրաժարականի գործընթացներին»: