Վրաստանի իշխանությունները չեն թույլատրի Սահակաշվիլիի կուսակցությանը՝ մասնակցել ընտրությունների

Վրաստանի նախկին նախագահ Միխեիլ Սահակաշվիլին Ուկրաինայի քաղաքացի է, բայց նա միջամտել է հանրապետության խորհրդարանական ընտրություններին՝ որպես ընդդիմադիր «Միացյալ ազգային շարժում» կուսակցության առաջնորդ, այդ կապակցությամբ իշխող «Վրացական երազանք - ժողովրդավարական Վրաստան» կուսակցությունը մշակել է օրինագիծ, որը նման կուսակցություններին զրկելու է ընտրություններին մասնակցելու իրավունքից: Այս մասին չորեքշաբթի ճեպազրույցում հայտարարել է «Վրացական երազանքի» գործադիր քարտուղար Իրակլի Կոբախիձեն:

«Միխեիլ Սաակաշվիլին միաժամանակ չի բավարարում սահմանադրական երկու որակավորման: Նա Վրաստանի քաղաքացի չէ և դատապարտվել է ազատազրկման, որը պետք է ի կատար ածվի: Նոր գումարման խորհրդարանում կնախաձեռնենք օրինագիծ, ըստ որի՝ այն կուսակցությունները, որոնք չեն բավարարում Սահմանադրության այս երկու որակավորումներին, չեն կարողանա մասնակցել»,- ասել է Կոբախիձեն: