Սեդրակ Առուստամյանը 50 միլիոն դրամ գրավի դիմաց ազատ արձակվեց

Երեւան քաղաքի ընդհանուր իրավասության դատարանը՝ նախագահությամբ դատավոր Կարեն Ֆարխոյանի, քիչ առաջ «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանին 50 միլիոն ՀՀ դրամ գրավի դիմաց ազատ արձակելու որոշում կայացրեց։ 

«Դատարանը որոշեց 50 մլն դրամ գրավի դիմաց ազատել Առուստամյանին»,- այս մասին Yerkir.am-ի հետ զրույցում ասաց Առուստամյանի փաստաբան Հովիկ Սուքիասյանը։

Հիշեցնենք, որ Առուստամյանը կալանավորվել էր ապրիլի 25-ից՝ «Հյուսիս-հարավի» ճանապարհի շինարարության գործով: Նրան մեղադրանք է առաջադրվել առանձնապես խոշոր չափով փողերի լվացման, ֆինանսական բուրգ ստեղծելու կամ ղեկավարելու, ինչպես նաեւ հարկային պարտավորություններից խուսափելու համար։գործով: Նրան մեղադրանք է առաջադրվել առանձնապես խոշոր չափերի հարկեր վճարելուց խուսափելու, կեղծ ձեռնարկատիրության և փողերի լվացման համար: