Թուրքիայի Սղերդ քաղաքում երկրաշարժ է տեղի ունեցել

Թուրքիայի արտակարգ իրավիճակների և բնական աղետների վարչությունը (AFAD) այսօր՝ դեկտեմբերի 3-ին, հայտնել է հարավարևելյան Սիիրթ (Սղերդ) նահանգի համանուն քաղաքում 5 բալ ուժգնությամբ երկրաշարժի մասին: Առաջին ցնցումները տեղի են ունեցել տեղական ժամանակով ժամը 08.45-ին, երկրաշարժի էպիկենտրոնը գտնվել է մոտ 20 կմ խորության վրա. հայտնում է Associated Press (AR)-ը:

Այս ժամվա դրությամբ բնական աղետի հետեւանքով հնարավոր զոհերի և ավերածությունների մասին տեղեկություններ չկան:

Թուրքական Սիիրթը (հայկական Սղերդ) բնակեցված է հիմնականում քրդերով, քաղաքը գտնվում է Սիրիայի և Իրանի հետ սահմանի մոտ: Երկրաշարժերը հաճախակի են ամբողջ Թուրքիայում, որի տարածքը տեղակայված է տեկտոնական ճեղքվածքների տարբեր գծերի վրա: