Շոյգուն հայտարարել է, որ Ռուսաստանը մտադիր է կանխել Ղարաբաղում հետագա արյունահեղությունը

Ռուսաստանի պաշտպանության նախարար Սերգեյ Շոյգուն Երևանում ՀՀ վարչապետ Նիկոլ Փաշինյանի և ՀՀ պաշտպանության նախարար Վաղարշակ Հարությունյանի հետ հանդիպմանը հայտարարել է, որ Ռուսաստանը մտադիր է կանխել Լեռնային Ղարաբաղում հետագա արյունահեղությունները: Հանդիպման մի հատված հրապարակվել է Հայաստանի վարչապետի կայքում:

«Հետագայում շատ աշխատանք կա անելու, հուսով եմ՝ արդեն խաղաղ կյանք կհաստատվի Ղարաբաղում, և, իհարկե, մեր կողմից հիմնական խնդիրն է կանխել արյունահեղությունը: Դա մեր գերագույն գլխավոր հրամանատարի՝ մեր առջև դրված խնդիրն է, և մենք, անշուշտ, հավատարիմ ենք դրան», - ասել է Շոյգուն: «Մենք եկել ենք մեծ ծրագրով, հուսով ենք այն կյանքի կոչել», - եզրափակել է ռուս նախարարը: