Ռուսաստանի ՊՆ–ն ցույց է տվել Լեռնային Ղարաբաղում ռուս խաղաղապահների տեղակայման քարտեզները

Ռուսաստանի պաշտպանության նախարարությունը ՏԱՍՍ-ին տրամադրել է քարտեզներ, որոնք ցույց են տալիս, թե որտեղ են տեղակայվելու խաղաղապահները Լեռնային Ղարաբաղում:

Նրանց խոսքով՝  այս տարածքը բաժանվելու է պատասխանատվության երկու գոտիների՝ «Հյուսիս» և «Հարավ», որտեղ տեղակայված կլինեն 16 դիտակետեր: Խաղաղապահները պարեկություն են իրականացնելու երկու երթուղիներով: Լեռնային Ղարաբաղն ու Հայաստանը կապող Լաչինի միջանցքի տարածքում նախատեսվում է տեղադրել վեց ժամանակավոր դիտակետ:

Նախատեսված է մոտոհրաձգային գումարտակների տեղակայում Ստեփանակերտում և Մարտակերտում:

Ընդհանուր առմամբ, Լեռնային Ղարաբաղի հակամարտության գոտում կտեղակայվի 1960 զինծառայող, 90 զրահափոխադրիչ, 380 միավոր ավտոմեքենա և հատուկ տեխնիկա: