Կառավարական առանձնատուն մուտք գործած քաղաքացին վերադարձրել է վարորդական իրավունքի վկայանականը

ՀՀ վարչապետ Նիկոլ Փաշինյանը ֆեյսբուքյան իր էջում տեղեկացրել է, որ նոյեմբերի 10-ին՝ ուշ գիշերով, ցուցարարները ներխուժել են իր կեցավայր և այնտեղից գողացել են համակարգիչ, ժամացույց, օծանելիք, վարորդական իրավունք և այլ իրեր։

«Այս ամենը, իհարկե, «հանուն հայրենիքի»»,- ֆեյսբուքյան էջում նշել է Փաշինյանը:

Նրա այս հայտարարությունից րոպեներ անց, «Երկիր Մեդիա» հեռուստաընկերություն է զանգահարել կառավարական առանձնատուն մուտք գործած քաղաքացիներից մեկը և նշել, որ վարչապետի կողմից նշված վարորդական իրավունքի վկայականը և այլ փաստաթղթեր անձամբ ներկայացրել է քննչական մարմնին, ապա հավելել է, որ վարչապետի հայտարարությունն ու մեղադրանքն անհիմն են։