Վաղվանից Հայաստանի ազգային գրադարանը ժամանակավոր դադարեցնում է ընթերցողների սպասարկումը

Կորոնավիրուսի տարածումը կանխարգելելու նպատակով Ազգային գրադարանի ընթերցողների սպասարկումը  նոյեմբերին կդադարացվի 12 օրով: Այս մասին Գրադարանը տեղեկացնում է ֆեյսբուքյան հայտարարությամբ. 

«Հայաստանի ազգային գրադարանի սիրելի ընթերցողներ և հետևորդներ. կորոնավիրուսի տարածումը կանխարգելելու նպատակով Ազգային գրադարանի ընթերցողների սպասարկումը ս/թ նոյեմբերի 10-22-ը ներառյալ դադարեցվում է:  

• Մինչ բնականոն աշխատանքին վերադառնալը՝ կշարունակենք առցանց պատասխանել ձեր հարցերին, տեղեկատվություն տրամադրել էլեկտրոնային շտեմարանների մասին: Կշարունակենք ձեզ օգնել և ուղղորդել փնտրումների և հասանելի թվայնացված գրականությունից օգտվելու հարցում: 
• Բոլոր այն քաղաքացիները, որոնք այս ընթացքում կցանկանան գրանցվել և ձեռք բերել Հայաստանի ազգային գրադարանի ընթերցողական տոմս, հոգ չէ. գրանցումը ևս կարող ենք առցանց կազմակերպել: Անհրաժեշտ է ընդամենը լրացնել ընթերցողների էլեկտրոնային գրանցման հայտը և ուղարկել ստորև նշված էլ. հասցեին [email protected]»,- նշված է Ազգային գրադարանի հայտարարության մեջ: