Ղրղզ զինվորականները կվերապատրաստվեն Թուրքիայում. Էրդողանին պետք է ամբողջ Միջին Ասիան

Թուրքիան Ղրղզստանին, որպես ռազմական օգնություն, փոխանցել է տրանսպորտային միջոցների խմբաքանակ և դաշտային բժշկական հիվանդանոցը. հայտնում է Dambiev թելեգրամյան ալիքը։

Ղրղզստանի զինված ուժերի գլխավոր շտաբի պաշտոնական հաղորդագրության մեջ նշվ ում է, որ «կողմերը պայմանավորվել են էլ ավելի ամրապնդել ռազմական կապերը Ղրղզստանի և Թուրքիայի միջև: Հետագայում թուրքական կողմը Ղրղզստանին, որպես ռազմական օգնություն, կտրամադրի հրաձգային զենքեր և զրահամեքենաներ, իսկ ղրղզական զինծառայողները կպատրաստվեն թուրքական բանակի ուսումնական հաստատություններում»:

Հիշեցնենք, որ Ղրղզստանը, ի շարս Ղազախստանի, Թուրքիայի, Ադրբեջանի և Ուզբեկստանի, Թյուրքական խորհրդի անդամ է և թուրքական–էրդողանական ծավալապաշտական քաղաքականության հետագա դաշտ Թուրանական միասնական պետության ստեղծման գործում։