Թուրքիան արձագանքել է Բեյրութում թուրքական դեսպանության դիմաց հայերի կողմից Էրդողանի նկարը և թուրքական դրոշը այրելուն

Թուրքիայի ԱԳՆ–ն հայտարարություն է տարածել, որում խստորեն «դատապարտում» է Լիբանանի մայրաքաղաք Բեյրութում հայ ցուցարարների կողմից Թուրքիայի նախագահ Ռեջեփ Թայիփ Էրդողանի նկարի և թուրքական դրոշի այրումը։

Հիշեցնենք, որ հոկտեմբերի 26-ին տեղի հայկական համայնքը ցույց էր կազմակերպել Բեյրութում թուրքական դեսպանատան դիմաց՝ հաջակցություն Հայաստանի և Արցախի, ինչպես նաև ընդդեմ թուրք–ադրբեջանական ահաբեկչական գործունեության։ Ցույցի ընթացքում, ի նշան բողոքի, հայ երիտասարդները այրել էին Թուրքիայի, Ադրբեջանի և Իսրայելի դրոշները։

«Մենք տեղեկացվել ենք, որ թուրքական դրոշն ու մեր նախագահի նկարը այրվել են հոկտեմբերի 26-ին Բեյրութում դեսպանատան դիմաց հայ երիտասարդների կողմից կազմակերպված ցույցի ընթացքում։ Մենք խստորեն դատապարտում ենք այս ստոր արարքը մեր դրոշի և մեր նախագահի նկատմամբ և ակնկալում ենք, որ անհրաժեշտ գործողությունները կկիրառվեն բոլոր պատասխանատուների նկատմամբ»,– նշվում է թուրքական գերատեսչության հաղորդագրության մեջ։