Ֆրանսիայի իշխանությունները որոշել են ժամանակավոր փակել Փարիզի արվարձանում մզկիթը

Ֆրանսիայի իշխանությունները որոշել են ժամանակավոր փակել Փարիզի արվարձանում մզկիթը: Այդ մզկիթը Facebook-ի իր էջում տեսանյութ էր հրապարակել, որը ատելություն էր առաջացրել պատմության ուսուցիչ Սեմուել Փաթիի նկատմամբ, ում դաժանաբար սպանել էին, հաղորդում է Reuters-ը:

Ոստիկանությունը փակցրել է մզկիթի փակման մասին հայտարարությունը: Իշխանությունները խոստացել են կոշտ միջոցներ ձեռնարկել ատելություն, ծայրահեղական քարոզչության տարածող հաղորդագրությունների դեմ:

Իսլամիստի կողմից ուսուցչի գլխատումը այն բանի համար, որ նա կրոնական սատիրա էր օգտագործել ուսանողների հետ քննարկման համար, ցնցել է Ֆրանսիային եւ ողջ աշխարհին:

Ֆրանսիայի ՆԳՆ ղեկավար Ջերալդ Դարմեյնն այս շաբաթ հայտարարել է, որ Ֆրանսիան բախվում է «ներքին թշնամու» հետ: