Լուկաշենկոն ստանձնել է Բելառուսի նախագահի պաշտոնը

Ալեքսանդր Լուկաշենկոն ստանձնել է Բելառուսի նախագահի պաշտոնը. հայտնում է ԲԵԼՏԱ-ն՝ նշելով, որ Անկախության պալատում ընթանում է նրա երդման արարողությունը:

ԶԼՄ-ի տվյալներով՝ արարողությանը հրավիրված է մի քանի հարյուր մարդ, այդ թվում՝ բարձրաստիճան պաշտոնյաներ, Ներկայացուցիչների պալատի պատգամավորներ եւ Հանրապետության խորհրդի անդամներ, պետական մարմինների և կազմակերպությունների, տեղական գործադիր ու վարչական մարմինների ղեկավարներ, հանրապետական լրատվամիջոցներ, գիտնականներ, մշակույթի ու սպորտի գործիչներ:

Ըստ Բելառուսի Հանրապետության Սահմանադրության` նախագահը ստանձնում է իր պարտականությունները երդման արարողությունից հետո: