Պեկինը սեպտեմբերի 3-ից կվերականգնի ուղիղ հաղորդակցությունը 8 երկրի հետ

Պեկինը սեպտեմբերի 3-ից կվերականգնի ուղիղ միջազգային ավիահաղորդակցությունը 8 երկրի հետ, Ռուսաստանը դրանց թվում չէ: Այս մասին հաղորդագրություն է տարածել ՉԺՀ քաղաքացիական ավիացիայի վարչությունը:

Չինաստանի իշխանությունները մարտի 23-ից որոշում են ընդունել Պեկին ժամանող բոլոր միջազգային չվերթերը վերաուղղորդել երկրի այլ քաղաքներ:

«Սեպտեմբերի 3-ից սկսած՝ կվերսկսվեն դեպի Պեկին 9 չվերթեր՝ Թաիլանդից, Կամբոջայից, Պակիստանից, Հունաստանից, Դանիայից, Ավստրալիայից, Շվեդիայից եւ Կանադայից»,- ասվում է հաղորդագրությունում:

Նշվում է, որ այդ երկրներից են հայտնաբերվել COVID-19-ի ամենաքիչ բերովի դեպքերը: Առաջին միջազգային չվերթը, որը կժամանի Պեկին, կլինի Կամբոջայի Պնոմպեն մայրաքաղաքից: