Էրդողանը հորդորել է նվազեցնել Թուրքիայի պաշտպանական կախվածությունը

Թուրքիայում շարունակվում է պաշտպանական համակարգի հաջող զարգացումը: Ինչպես հայտնում է Anadolu գործակալությունը, այս մասին հայտարարել է նախագահ Ռեջեփ Թայիփ Էրդողանը ժամանակակից ռազմածովային համալիրները թուրքական նավատորմի հրամանատարությունը հանձնելու արարողության ժամանակ:

«Մենք (Թուրքիա) պետք է սպառող-երկրների կատեգորայից տեղափոխվենք արտահանողների», - ասել է Էրդողանը: «Այն երկրները, որոնք չունեն ուժեղ և անկախ պաշտպանական արդյունաբերություն, դատապարտված են սպառնալիքների՝ ազգային անվտանգության ոլորտում»:

Նրա խոսքով՝ Թուրքիան, որը «պետք է դառնա համաշխարհային պաշտպանական արդյունաբերության առաջատարներից մեկը», աշխարհի այն 10 երկրների շարքում է, որոնք ունակ են նախագծել և կառուցել հայրենական ռազմական նավեր:

Էրդողանը հավելել է, որ պաշտպանական ոլորտում Թուրքիայի արտաքին կախվածությունը նվազագույնի հասցնելը իրենց հիմնական նպատակն է: