Ադրբեջանի ԶՈՒ «ORBITER-3» տիպի անօդաչու թռչող սարքը խոցվել է ՕՍԱ-ԱԿՄ-ով. Արծրուն Հովհաննիսյան

Ադրբեջանի Զինված ուժերի իսրայելական արտադրության «ORBITER-3» տիպի անօթաչու թռչող սարքը խոցվել է ՕՍԱ-ԱԿՄ-ով, որը մոդեռնիզացրել են մեր ռազմաարդյունաբերական ձեռնարկությունները: Այս մասին այսօր` հուլիսի 18-ին, լրագրողների հետ հանդիպմանն ասաց Իջեւանում լրատվական ճգնաժամային կենտրոնի պատասխանատու Արծրուն Հովհաննիսյանը:

«Ընդհանրապես մեր ձեռնարկությունները շատ լավ յուրացրել են ՕՍԱ-ԱԿՄ-ի մոդեռնիզացիան, եւ ինչպես տեսնում ենք շատ արդյունավետ է աշխատում:

Անզեն աչքով էլ երեւում է, որ ամբողջ աշխարհի համար բավականին մեծ գլխացավանք դարձած ԱԹՍ-ների դեմ հայկական զինված ուժերը շատ լավ պայքարում են»,-ընդգծեց նա՝ հավելելով, որ մեր կողմից կիրառված ԱԹՍ-ների արդյունքները բավականին բարձր են, ավելին ասել չի կարող»,-ասաց նա: