Այս իմաստազուրկ բռնությունը սպառնալիքի տակ է դնում անմեղ քաղաքացիական անձանց կյանքը. սենատոր Կարդենասն իր աջակցությունն է հայտնել ՀՀ-ին

ԱՄՆ կոնգրեսական, Դեմոկրատական կուսակցության ներկայացուցիչ Թոնի Կարդենասն իր աջակցությունն է հայտնել Հայաստանին հուլիսի 12-ից Ադրբեջանի ագրեսիայի հետևանքով հայ-ադրբեջանական սահմանին շարունակվող ռազմական գործողությունների կապակցությամբ. այս մասին Yerkir.am-ին հայտնում են ԱՄՆ Հայ դատի հանձնախմբի ֆեյսբուքյան էջից:

Պաշտոնյան, մասնավորապես, նշել է.

«Ես աջակցում եմ Հայաստանի ժողովրդին Ադրբեջանի կողմից վերջերս հայկական սահմանին կատարած ագրեսիայի ֆոնին: Այս իմաստազուրկ բռնությունը սպառնալիքի տակ է դնում անմեղ քաղաքացիական անձանց կյանքը: Պետք է ձեռնարկվեն լարվածությունը կանխող քայլեր` նոր կորուստներից խուսափելու համար»։