Էրդողանը բենզին է լցնում հայ-ադրբեջանական հակամարտության վրա. Փայլան

Էրդողանը և նրա նախարարները այնպիսի հայտարարություններ են անում, որոնք բենզին են լցնում Հայաստանի և Ադրբեջանի միջև հակամարտության վրա. այս մասին ֆեյսբուքյան իր էջում գրել է Թուրքիայի Ազգային մեծ ժողովի պատգամավոր, Ժողովուրդների դեմոկրատական կուսակցության անդամ Գարո Փայլանը։

«Երկու հարևան երկրների միջև առկա լարվածության մեջ առանց որևէ կողմի սատարելու, պետք է ջանք գործադրենք խնդիրները արդարությամբ լուծելու համար։

Ռասիստական և ծայրահեղ կրոնական գաղափարախոսությունը մեծ վնաս է հասցնում տարածաշրջանային խաղաղությանը», - եզրափակել է Փայլանը։

Նշենք, որ Թուրքիայի նախագահ Ռեջեփ Թայիփ Էրդողանը, ՊՆ և ԱԳՆ ղեկավարներ Հուլուսի Աքարն ու Մևլյութ Չավուշօղլուն իրենց զորակցությունն ու աջակցությունն էին հայտնել Ադրբեջանին՝ «դատապարտելով Հայաստանի ագրեսիվ պահվածքը»։