Ֆլոյդի սպանության վայրը ուխտատեղի է դարձել. գալիս են «հրաշքների» սպասումով

Մինեապոլիսի այն վայրում, որտեղ սպիտակամորթ ոստիկանը սպանել էր աֆրոամերիկացի կրկնահանցագործ Ջորջ Ֆլոյդին, հարյուրավոր մարդիկ են հավաքվում, որպեսզի մասնակցեն, այսպես կոչված, վերածննդի ծիսակատարություններին.  ըստ Yerkir.am–ի` տեղեկացնում է Interfax.ru-ն:

Ամերիկյան ԶԼՄ-ների տվյալներով` բողոքական հարանվանությունների և նոր կրոնական շարժումների ներկայացուցիչները պնդում են, որ Ֆլոյդի մահվան վայրում իբր «հրաշքներ» են տեղի ունենում:

«Վայրը, որտեղ սպանվել է Ֆլոյդը, վերածվում է եկեղեցու»,- հայտարարել է քրիստոնեական Global Revival Harvest կազմակերպության ղեկավար Ջոշուա Լինդքվիսթը, որին մեջբերել է The Christian Post-ը:

Քրիստոնեական հավաքների մասնակիցները համարում են, որ «վերածննդի ծառայությունները» բողոքի յուրահատուկ, նոր տիպի ակցիաներ են: Ֆլոյդի մահվան վայրում լոգարան են տեղադրել, որում մկրտության նման ծիսակատարություն է իրականացվում: