ԱՄՆ-ի հետ հարաբերությունները «բարդ» են. Գերմանիայի ԱԳՆ

Գերմանիայի արտգործնախարար Հայկո Մասը «Bild am Sonntag» պարբերականին տված հարցազրույցում կարծիք է հայտնել, որ այսօր Վաշինգտոնի հետ հարաբերություններում որոշակի դժվարություններ կան:

Նա, մասնավորապես, նշել է.  «Մենք մտերիմ գործընկերներ ենք անդրատլանտյան դաշինքում, սակայն այսօր մեր հարաբերությունների կարգավիճակը կարելի է «բարդ» անվանել», ու հավելել՝ երկկողմ փոխգործակցությունը «էլ ավելի է սրել կորոնավիրուսի համավարակը»:

«Այսպես, ԱՄՆ իշխանությունները արգելեցին բոլոր եվրոպացիների մուտքը երկիր, սակայն Բեռլինը հայելային միջոցներ չձեռնարկեց: Մենք չենք արգելում Միացյալ Նահանգներ ուղևորությունները»,- նշել է նա։