Վրաստանի վարչապետը կոչ է արել վերականգնել հասարակական տրանսպորտի աշխատանքը

Վրաստանի վարչապետ Գեորգի Գախարիան կոչ է արել ինչքան հնարավոր է շուտ վերականգնել հասարակական տրանսպորտի աշխատանքը։ Այս մասին տեղեկացնում է վրացական կառավարության մամուլի ծառայությունը. հայտնում է apsny.ge կայքը։

Գախարիան կարևորել է հասարակության համար հասարակական տրանսպորտի աշխատանքի կարևորությունը և վարակման վտանգները, որին կենթարկվեն ուղևորները։

Երկրի վարչապետը հայտարարել է, որ անհրաժեշտ է կարճ ժամկետներում ապահովել քաղաքային ուղևորափոխադրումները։

Նշենք, որ մարտի վերջից երկրում չի գործում հասարակական տրանսպորտ։ Այդ արգելքը կշարունակվի մինչև հուլիսի 15-ը, սակայն կառավարության հրամանի մեջ նշված է, որ արգելքները կարող են ավելի շուտ հանվել։