Թուրքիան պատրաստվում է 3000 սիրիացի վարձկան ուղարկել Լիբիա

Սիրիական ընդդիմության զինված խմբավորումներից նվազագույնը 3400 զինյալ պատրաստություն են անցնում Թուրքիայի տարածքում գտնվող մարզումային ճամբարներում, նախքան Լիբիա ուղարկվելը. այս մասին հայտնում է Fırat գործակալությունը։

Ըստ լրատվամիջոցի տեղեկության՝ Լիբիայի ազգային համաձայնության կառավարության զինված խմբավորումների կողմից արդեն կռվում են 10 հազար վարձկաններ։

ԼԱՀԿ-ն Թուրքիային օգնության համար պաշտոնապես դիմել է 2019 թ. նոյեմբերի 28-ին։ Երկու կառավարությունների միջև բաժանված Լիբիայում հակամարտությունը լուծելու համար հունվարին և փետրվարին միջազգային խորհրդաժողովներ են տեղի ունեցել, որոնք սակայն շոշափելի արդյունք չունեցան։