ԱՄՆ-ում հակակորոնավիրուսային պատվաստանյութը հաջողությամբ փորձարկվել է մարդկանց վրա

Կորոնավիրուսային հիվանդության դեմ պատվաստանյութի կլինիկական փորձարկումների առաջին փուլը վերջացել է․ այս մասին գրում է ամերիկյան բիոտեխնոլոգիական Moderna ընկերությունը, նշելով՝ կամավորների խմբի վրա փորձարկումը սկսվել էր ապրիլին. հայտնում է Yerkir.am-ը։

Ըստ ընկերության կողմից տարածված հայտարարության՝ mRNA-1273 պատվաստանյութի ընդունումից հետո փորձի մասնակիցների մոտ հակամարմինների քանակը՝ կախված նյութի չափաբաժնից կա՛մ գերազանցել է COVID-19-ով հիվանդ մարդկանց արյան մեջ համապատասխան ցուցանիշը, կա՛մ գտնվել է նույն մակարդակի վրա։

Նշվում է՝ առաջին փուլում պատվաստանյութն իրեն դրսևորել է որպես անվտանգ դեղամիջոց, ինչպես նաև ընդունվել է առանց բարդությունների։ Ընկերությունը նախատեսում է վերջնական փուլը սկսել հուլիսին։