Եվրոպան ցանկանում է բացել սահմանները

Եվրոպական հանձնաժողովը կոչ է արել վերադառնալ Եվրոպայի ներսում ազատ տեղաշարժման ռեժիմի և այդպես գոնե որոշ չափով փրկել ամառային զբոսաշրջային սեզոնը. այս մասին գրում է Reuters գործակալությունը, հայտնում է Yerkir.am-ը։

Նշվում է՝ ճանապարհորդողների համար պարտադիր կլինի դիմակ կրել ինքնաթիռներում, պահել սոցիալական հեռավորությունը գնացքներում:

Միևնույն ժամանակ հանձնաժողովը նաև խնդրել է գոնե մեկ տարով վաուչերներ տրամադրել չեղարկված թռիչքների և ամրագրումների համար: Նման ձևով մարդիկ հնարավորություն կունենան իրենց արձակուրդն անցկացնել ավելի ուշ, իսկ սնանկացման եզրին կանգնած ավիաընկերություններն ու զբոսաշրջային ընկերությունները ստիպված չեն լինի վերադարձնել գումարը:

Հիշեցնենք՝ զբոսաշրջությունը կազմում է Եվրոպական Միության տնտեսության մոտ 10 տոկոսը: