ՄԻԵԴ-ը բավարարել է ադրբեջանցի հայտնի լրագրող Խադիջե Իսմայլիովայի բողոքը

Մարդու իրավունքների եվրոպական դատարանը հերթական վճիռն է կայացրել ադրբեջանցի լրագրողուհի Խադիջե Իսմայիլովայի գործով. հայտնում է Кавказский Узел-ը։

2014 թ. Իսմայիլովան բողոք էր ներկայացրել Մարդու իրավունքների կոնվենցիայով նախատեսվող անձի անձնական կյանքի անձեռնամխելիության և արդար դատավարության  իրավունքի խախտման համար։

ՄԻԵԴ-ը բավարարել է բողոքը և պարտավորեցրել ադրբեջանական կառավարության՝ նրան վճարել 6000 եվրո՝ որպես բարոյական վնասի փոխհատուցում։

Դատարանի որոշման մեջ նշվում է, որ տվյալ գործը կապված է Ադրբեջանի մերձիշխանական լրատվամիջոցների հետ, որոնք փորձել են սևացնել Իսմայիլովայի արժանապատվությունը։ Տեղի դատարանները մերժել էին Իսմայիլովայի բողոքները։

Իսմայիլովան ձերբակալվել էր 2014 թ. դեկտեմբերի 5-ին՝ հարկերից խուսափման և ապօրինի գործունեության համար։ Դատարանը նրան ազատազրկել էր 7.5 տարով։

Երկրի Գերագույն դատարանը 2016 թ. կրճատել էր ժամկետը՝ հասցնելով մինչև 3.5 տարի, իսկ ավելի ուշ 2 տարի 3 ամիս։