«Բարսելոնա»-ն և տեր Շտեգենը դադարեցրել են բանակցությունները

Կատալոնական «Բարսելոնա»-ն և թիմի դարպասապահ գերմանացի Մարկ Անդրե տեր Շտեգենը դադարեցրել են բանակցությունները նոր պայմանագրի շուրջ: Աս մասին գրում է Kicker-ը:

Ըստ պարբերականի, կողմերի միջև եղել են միայն նախնական քննարկումներ և բանակցության դադարեցումը կապված է կորոնավիրուսի պանդեմիայի հետ:

Դեռևս մարտին հայտնի դարձավ, որ կատալոնական «Բարսելոնա»-ն ցանկություն ունի երկարաձգել պայմանագիրը թիմի դարպասապահ գերմանացի Մարկ Անդրե տեր Շտեգենի հետ: «Բարսելոնա»-ն ուզում է, որ տեր Շտեգենը թիմում մնա ևս 4-5 տարի: Բանակցությունները «Բարսելոնա»-ի կողմից վարում է ակումբի մարզական տնօրեն Էրիկ Աբիդալը:

Գերմանիայի ազգային թիմի դարպասապահ Մարկ Անդրե տեր Շտեգենի պայմանագիրը «Բարսելոնա»-իհետ ավարտվում է 2022 թվականին: