Թրամփը հրամայել է ամերիկացի զինվորականներին՝ ոչնչացնել իրանական ռազմանավակները՝ ԱՄՆ նավերին հետապնդելու դեպքում

ԱՄՆ նախագահ Դոնալդ Թրամփը թույլատրել է ԱՄՆ ԶՈՒ-ին՝ ոչնչացնել իրանական ռազմանավակները, եթե դրանք սկսեն հետապնդել ամերիկյան ռազմանավերը. հայտնում է «Կոմերսանտը»։

«Ես հրամայել եմ ԱՄՆ Ռազմածովային ուժերին հարվածել և ոչնչացնել ցանկացած իրանական ռազմանավակ, եթե դրանք ծովում հետապնդեն մեր նավերը», - թվիթերում գրել է ԱՄՆ նախագահը։

Ավելի վաղ ԱՄՆ ՌԾՈՒ-ն հայտնեկ էր, որ Իրանի Իսլամական հեղափոխության պահապանների կորպուսի ռազմանավակը ապրիլի 15-ին վտանգավոր մանյովրներ է իրականացրել Պարսից ծոցում գտնվող ամերիկյան ռազմանավերի կողքին։

Անցյալ տարվա սեպտեմբեր ամսին Սաուդյան Արաբիայի խոշորագույն Saudi Aramco նավթաարդյունահանող գործարանի վրա հարձակում տեղի ունեցավ ԱԹՍ-ներով։ Սաուդյան Արաբիան մեղադրեց Իրանին, և իր այլ նավթային գործարանների անտանգությունը պաշտպանելու համար Պարսից ծոց հրավիրեց ԱՄՆ կոալիցիոն զորքերին։