ՀՀ-ում կալանավորված, ՌԴ իրավապահ մարմինների կողմից հետախուզվող Միսակ Լազարյանի իրավունքների հարցով ՄԻՊ-ին է դիմել նրա փաստաբանը. կնախաձեռնվի վարույթ

 

Ավելի վաղ Yerkir.am-ը թեմայի առչությամբ հայտնել էր՝ ՀՀ-ն արտահանձնում է ադրբեջանցու սպանության մեջ մեղադրվող հային։ Մասնավորապես, անդրադարձել էր  կատարվել 2011 թ. դեկտեմբերին ՌԴ Ամուրի մարզի Ռայչիխինսկ քաղաքի՝ ծնունդով Ջավախքի Բավրա գյուղից հայ ընտանիքին պատկանող ռեստորանում տեղի ունեցած միջադեպին, երբ ադրբեջանցի մի քանի հաճախորդներ ազգային հողի վրա ունեցած իրենց բարձրագոչ ելույթներով վիրավորել էին հայերին, իսկ մի քանի ժամ անց նույն ռեստորանի վրա ադրբեջանցիների կողմից տեղի ունեցած զինված հարձակման արդյունքում սպանվել էր մի ադրբեջանցի։ Դեպքին առնչվող հայազգի երիտասարդներից մեկի՝ 2012 թվականից ՀՀ-ում գտնվող ՌԴ քաղաքացի Միսակ Լազարյանի շուրջն այս օրերին տեղի ունեցող դատավարական և արտահանձնման գործընթացների ողջ թնջուկի վերաբերյալ փաստաբան Արկադյա Գևորգյանը Yerkir.am-ի խնդրանքով մեկնաբանել էր ստեղծված իրավիճակը։