Արցախցին դարձյալ ապացուցեց, որ առաջնորդվում է պետական շահի գերակա թելադրանքով. Դավիթ Իշխանյան

Սիրելի հայրենակիցներ,

Այսօր Արցախում նշանակալի օր է: Ըստ ԿԸՀ հրապարակած պաշտոնական տեղեկատվության՝ համապետական ընտրություններին մասնակցել են ընտրողների գերակշիռ մեծամասնությունը:

Արցախցին դարձյալ ապացուցեց, որ առաջնորդվում է պետական շահի գերակա թելադրանքով:

Շնորհակալություն եմ հայտնում մեր հայրենակիցներին իրենց քաղաքացիական պարտքը կատարելու և պատասխանատու կեցվածք ցուցաբերելու համար:

Անկախ քաղաքական հայացքներից և քվեարկության արդյունքներից, մեզ միավորում է հայրենիքի բարօրությունն ու զարգացումը առաջ տանելու վճռականությունը:

Շնորհավորում եմ մեր ժողովրդին և բոլորիս մաղթում եմ խաղաղություն, համերաշխություն և միասնություն:

Արցախի Հանրապետության նախագահի թեկնածու Դավիթ Իշխանյան: