Diamond Princess զբոսանավի 2 ուղևոր է մահացել. պատճառը՝ կորոնավիրուսն է

Կորոնավիրուսից մահացել է ճապոնական Diamond Princess զբոսանավի 2 ուղևոր. այս մասին գրում է BBC-ն, հայտնում է Yerkir.am-ը:

Նշվում է՝ երկուսն էլ եղել են Ճապոնիայի՝ մոտ 80 տարեկան քաղաքացիներ և ունեցել են ուղեկցող հիվանդություններ: Կորոնավիրուսով հիվանդացել են զբոսանավում գտնված 3700 հոգուց 621-ը:

Ավելի վաղ տեղեկացրել էինք, որ երեկ նավում դադարեցվել էր 14-օրյա կարանտինը, որից հետո այն ուղևորները, որոնց մոտ կորոնավիրուս չի հայտնաբերվել, լքել են նավը։

Բացի այդ, Չինաստանը հայտարարել է, որ կորոնավիրուսի էպիկենտրոն հանդիսացող Ուհան քաղաքում նոր վարակվածների թիվը սկսել է զգալիորեն նվազել:

Ըստ ԱՀԿ վերջին տվյալների՝ նոր տեսակի կորոնավիրուսից արդեն մահացել է ավելի քան 2100 մարդ, կա 75 հազար վարակակիր: Բուժվել է շուրջ 16.000 մարդ: