Հրանտ Թոխատյանը քաղցկեղով հիվանդ երեխաների համար հեքիաթ է կարդացել

Գիրք նվիրելու օրը քաղցկեղ ունեցող երեխաներին «Ժպիտների քաղաք» հիմնադրամի նախաձեռնությամբ այցելել է սիրված դերասան Հրանտ Թոխատյանը: Հիմնադրամի հոգաբարձուների խորհրդի ղեկավար Աննա Հակոբյանը այս առթիվ ֆեյսբուքյան իր էջում գրել է.

«Ամենայն հայոց բանաստեղծ Հովհաննես Թումանյանի ծնունդն ու Գիրք նվիրելու օրը նշել են նաև քաղցկեղ ունեցող մեր բալիկները: Այսօր «Ժպիտների քաղաք» հիմնադրամի նախաձեռնությամբ նրանց է այցելել սիրված դերասան Հրանտ Թոխատյանը և փոքրիկների համար կարդացել «Խոսող ձուկը» հեքիաթը: Մենք համոզված ենք, որ քաղցկեղը հաղթահարելու բարդ ճանապարհին մեր փոքրիկների լավագույն ընկերները պետք է լինեն արվեստը, գիրքը, լավ երաժշտությունն ու ժպիտը»,- գրել է նա: