Եվրամիությունը քննադատել է Ադրբեջանում տեղի ունեցած ընտրությունները

ԵՄ արտաքին հարաբերությունների ծառայությունը հայտարարություն է տարածել Ադրբեջանում փետրվարի 9-ին տեղի ունեցած արտահերթ խորհրդարանական ընտրությունների վերաբերյալ. ըստ Yerkir.am-ի՝ հայտնում է Թուրան գործակալությունը:

Ինչպես նշվում է հայտարարության մեջ, ԵԱՀԿ Ժողովրդավարական հաստատությունների և մարդու իրավունքների գրասենյակի գնահատականների համաձայն, չնայած թեկնածուների մեծ թվին, սահմանափակված օրենսդրությունն ու քաղաքական մթնոլորտը խոչընդոտել են ընտրությունների համար անհրաժեշտ մրցակցային պայմաններին:

Որոշ ընդդիմադիր կուսակցությունների բոյկոտել են ընտրությունները սահմանափակ պայմանների պատճառով, այն դեպքում, երբ որոշ թեկնածուներ ի վիճակի չէին մասնակցել ընտրություններին, քանի որ Ադրբեջանն ի զորու չէ կյանքի կոչել Եվրոպական դատարանի որոշումները՝ երկրում ընտրության իրավունքի սկզբունքները պահպանելու ուղղությամբ:

«Անհանգստություն են առաջացնում ձայների հաշվարկների ժամանակ գրանցված զգալի խախտումները: ԵՄ-ն ցավում է, որ ԵԱՀԿ ԺՀՄԻԳ և ԵԽ Վենետիկյան հանձնաժողովի խորհրդատվությունները չեն կատարվում», - նշված է հայտարարության մեջ: