Կորոնավիրուսով վարակման հետևանքով մահացել է 414 մարդ. գրանցվել է վարակման նոր 2345 դեպք

Նոր տեսակի կորոնավիրուսի հետևանքով մահացության դեպքերն աճել են՝ հասնելով 414-ի. ըստ Yerkir.am-ի՝ հայտնում է ՏԱՍՍ-ը՝  նշելով, որ միայն 1 օրում գրանցվել է վարակման 2345 դեպք: 

Հավելվում է, որ փետրվարի 3-ին հաղորդվում էր մահվան 361 դեպքի և 17.205 վարակվածի մասին:

Հիշեցնենք, որ նորագույն տեսակի վիրուսն առաջին անգամ ի հայտ է եկել դեկտեմբերին Չինաստանի Հեբեյ նահանգի Ուհան քաղաքում: Չինացի մասնագետները հաստատել են կասկածները, որ կորոնավիրուսի նոր տեսակը մարդուց մարդուն է փոխանցվում օդակաթիլային ճանապարհով:

Չինաստանի իշխանությունները հայտարարություն են տարածել, որի համաձայն, Ուհանում հիվանդների թիվն այնքան է ավելացել, որ որոշվել է մի քանի օրում նոր հիվանդանոց կառուցել կորոնավիրուսի վարակակիրներին բուժելու նպատակով: