Հալեպում ականապատ մեքենա է պայթեցվել

Սիրիայի հյուսիսային Հալեպ նահանգի շրջաններից մեկում կիրակի օրը պայթյուն է տեղի ունեցել։ Ըստ նախնական տվյալների՝ զոհվել է առնվազն 7 մարդ․ ըստ Yerkir.am-ի՝ հայտնում է ՏԱՍՍ-ը։

Նշվում է՝ ականապատ մեքենան պայթեցվել է Աազազ քաղաքում, որը գտնվում է Հալեպ քաղաքից հյուսիս ընկած հատվածում՝ Թուրքիայի հետ սահմանի մոտակայքում: Պայթյունի հետևանքով 20 մարդ վիրավորում է ստացել:

Պայթյունից հետո ուժեղ հրդեհ է բռնկվել, որը տարածվել է մի քանի մոտակա խանութների և կրպակների վրա: Մոտակայքում կայանված տասնյակ մեքենաներ հրդեհվել են։

Հիշեցնենք, որ Աազազ քաղաքի շրջանն այս պահի դրությամբ գտնվում է Սիրիայի ընդդիմադիր զորամիավորումների վերահսկողության տակ, որոնք թուրքական զորքերի աջակցությամբ ռազմարշավ են իրականացնում Սիրիայի հյուսիսարևելքում: