Տոնական օրերին պայթուցիկներից և հրավառություններից տուժել է 95 անձ

Տոնական օրերին` դեկտեմբերի 31-ից հունվարի 7-ն ընկած ժամանակահատվածում, հանրապետության բժշկական կենտրոններ է դիմել պայթուցիկներից և հրավառություններից տուժած 95 անձ. ըստ yerkir,am-ի` հայտնում է ՀՀ առողջապահության նախարարությունը:

Հանրապետության բժշկական կենտրոններ են դիմել՝

• 29 (30%) երեխա (7-14 տարեկան), 11 (12%) դեռահաս (15-17 տարեկան) և 55 (58%) մեծահասակ (18 տարեկան և բարձր)
• 89-ը (94%) արական և 6-ը (6%) իգական սեռի
• 74 (78%) դեպքում տուժածները ստացել են դաստակի և նախադաստակի տարբեր տեսակի վնասվածքներ, 18-ը (19%)՝ գլխի դիմային հատվածի (աչքի և ակնակապիճի, ականջի, ճակատի, շրթունքի) տարբեր վնասվածքներ, 2-ը (2%)՝ ստորին վերջույթների վնասվածք, 1-ը (1%) անձ՝ նստատեղի վնասվածք: