Ադրբեջանի պատմության դասագիրքը՝ ՀՀ դրոշի գույներով

Թուրքիայում գործունեություն ծավալող, հակահայկական, թշնամանք տարածող, ռասիստական այսպես կոչված «Հայկական անհիմն պնդումների դեմ միջազգային պայքարի միության» նախագահ, իր ստահոդ և թշնամական դիրքորոշումներով հայտնի Գյոքսել Գյուլբեյը ֆեյսբուքյան էջում լուսանկար է հրապարակել, որում ցույց է տալիս, որ Ադրբեջանում լույս տեսած և դասագիրքն ունի Հայաստանի պետական դրոշի գույները:

«Ադրբեջանում էլ պետության կողմից հրատարակված գրքի շապիկը Հայաստանի դրոշի գույներով է: Արդյո՞ք պատահականություն է: Ադրբեջանում ինչու են նման բաներ տեղի ունենում». – ըստ Yerkir.am-ի՝ նշում է Գյուլբեյը:

Երեկ էլ արդեն տեղեկացրել էինք, որ ադրբեջանական դպրոցներում հայտնվել էին գլոբուսներ, որում Արցախն ու Նախիջևանը ներկայացված էին որպես Հայաստանի մաս: