Տեր Աստված, օրհնիր ամբողջ աշխարհի հայերին. Շերը՝ Սենատի կողմից Ցեղասպանության բանաձևի մասին

Հայտնի երգչուհի Շերն իր թվիթերյան միկրոբլոգում գրառում է կատարել՝ անդրադառնալով ԱՄՆ Սենատի կողմից Հայոց ցեղասպանության ճանաչման մասին բանաձևի ընդունմանը:

Նա գրել է. 

«ԱՄՆ Սենատը միաձայն ընդունեց Հայոց ցեղասպանության ճանաչման մասին բանաձևը: Տեր Աստված, օրհնիր ամբողջ աշխարհի հայերին»:

Երգչուհի կից նաև կադրեր է հրապարակել 1993 թվականին Հայաստանում բեռնատար օդանավով իր ճամփորդությունից, երբ երկրում «ջուրը օրական 2 ժամով էին տալիս և ջեռուցում չկար»:

«Երևանում վայրէջք կատարեցի կենսականորեն կարևոր պաշարներով»,- ասել է նա: 

Հիշեցնենք, որ երեկ Միացյալ Նահանգների Սենատը միաձայն քվեարկությամբ հաստատել էր Հայոց Ցեղասպանությունը դատապարտող՝ սենատորներ Ռոբերտ Մենենդեսի և Թեդ Քրուզի ներկայացրած թիվ 150 բանաձևը: